Asociación Astronómica Sirio

Para todos os públicos, actividade adicada á astronomía, na Casa do Pobo de Moreira, no concello de Soutomaior. Haberá telescopios e outras cousas, máis chocolate para acompañar.

Día 10 de outubro de 2025, as 21:00. Non precisa inscrición previa.

Organizada polo Concello de Soutomaior en colaboración coa Asociación Astronómica Sirio e a participación da Asociación Cultural Aeronáutica Española.

A Asociación Sirio participa este ano 2025 na Noite Internacional de Observación da Lúa, que será o 4 de outubro, ampliando as prazas da súa tradicional visita guiada dos sábados ao Observatorio Astronómico de Cotobade e adaptando a súa temática aos obxectivos «luares» desta noite internacional.

Haberá 60 prazas para esta actividade. Fai a túa reserva aquí.

Esta Noite Internacional de Observación da Lúa é un evento público anual a escala mundial que fomenta a observación, apreciación e coñecemento da nosa Lúa así como a súa conexión coa ciencia e a exploración planetaria. Todos os habitantes da Terra están invitados a participar neste evento, sexa como anfitrións ou como asistentes dunha actividade de observación da Lúa. Para máis información podes visitar https://moon.nasa.gov/observe-the-moon-night/

Sábado 9 de agosto  de 2025, a partir das 22.30h, no Castro de Troña, Pontevedra.

Organiza: Concello de Ponteareas

Venres 1 de agosto de 2025, de 22.30 a 1.30h, na Carreira Ancha, Insua, Ponte Caldelas.

Observación con telescopios, explicación das constelacións de verán e observación de perseidas.

Organiza: Concello de Ponte Caldelas

Colaboran: Asociación de Veciños da Insua e Asociación Astronómica Sirio

On The Moon Again 2025, na fin de semana do 6 ao 8 de xuño.

Trátase dun evento internacional que todos os anos pretende sorprender aos viandantes e que todos levanten a mirada ao ceo para observar a Lúa, especialmente aqueles que nunca tiveron un interese real ou que non imaxinan que é accesible e doado.

A Asociación Sirio participou os días 6 e 7 con telescopios nas rúas.

Venres 30 de maio de 2025, de 23:00 a 01:00 no parque forestal A Tomba, para 40 persoas.

Organiza: Concello de Pontevedra / Imparte: Asociación Astronómica Sirio de Pontevedra

Actividade de divulgación astronómica no exterior. A actividade estivo composta por unha observación astronómica, empregando telescopios e simple vista, máis unha explicación do que se pode observar no ceo e unha explicación sobre os planetas e o sistema solar con maquetas.